قبل ما تحتفلوا.. عارفين فالنتاين كان بيشتغل إيه؟

كل سنة وزى النهاردة تلاقي الدنيا اتقلبت وبقت لونها احمر.. والغريب انك لو سألت اى حد من اللى بيحتفل بالفالنتاين هو عارف فالنتاين اصلا ولا كان بيشتغل ايه ولا ليه الناس بتحتفل بيه؟ فى الوقت دا بالذات وحتى لو دورت على اصل حكاية عيد الحب مش هتوصل لقصة واحدة يعنى حكايات كثيرة منها ان العيد من اعياد الرومان الوثنيين واللى كانوا بيعتقدوا ان يوم 14 فبراير ارضعت ذئبة «رومليوس» مؤسس مدينة روما فأمدته بالقوة ورجاحة العقل فبدأوا يحتفلوا بيه!! اما اسم «فالنتاين نفسه» فرد فىه كذا اسطورة فى ناس بتقول انه من احد ضحايا الكنيسة وانه توفى اثر تعذيب القائد القوضى «كلوديوس» له عام 296 وبنيت له كنيسة فى روما فى المكان اللى اتونى فيه سنة 350 تخليدا لذكراه واعتبروه شهيد الحب والسلام وفى رواية تانية بتقول ان اليوم دا كانت البنات اللى عايزة تتجوز تكتب اسماءها فى ورق صغير والشباب يختاروا منها واللى تقع ورقتها فى ايده يقضى سنة معاها ويتجوزها فى نص شهر فبراير فى السنة اللى بعدها واخر اسطورة بتقول ان اثناء حكم الرومان الامبراطور «كلوديوس» الثانى القرن الثالث الميلادي منع جنوده من الزواج لان كان بيشغلهم عن الحرب اللى كانوا بيخضوها فتصدى له القديس «فاتنين» وبدأ يجوزهم فى السر ويكتبلهم العقود فى السر لحد ما اكتشف الامبراطور القصة واعدمه.. يعنى من الاخر فالنتاين كان مأذون لكن يفضل فى النهاية.. كل دى اساطير وقصص محدش متأكد منها يعنى محدش عارف قصة فالنتاين الحقيقية ولا هو مين ويعنى فالنتاين اللى احنا مبسوطين بيه اوي وبنحتفل بيه وعاملينه رمز للحب يمكن يطلع واحد عينه زايغة كان بيحب بنت من شبرا وظبطته يوم 14 فبراير ده بيخونها مع واحدة تانية راحت قالت له اتشاهد على نفسك ياأبو الفالتين وقامت دبحاه يعني ما هو الكلام مش بفلوس ويمكن زي ما طلع مأذون يطلع ميكانيكى واحنا شغالين احتفالات واعياد.. عموما كل فالنتاين وانتوا مش عارفين حاجة.